RETA: egizu apustu emozioaren alde
Tenis jokalari baten irudia kolore mantxaren gainean
Moto gidari baten irudia irudia kolore mantxaren gainean
Hemen zaude: Hasiera Gaurkotasuna: Kirol gaurkotasuna

Gaurkotasuna

Kirol gaurkotasuna

Hemen kirolari buruzko informazio guztia aurki dezakezu. Aukeratu nahi duzun kategoria eta irakurri kirolaren azkenengo berriak.

AURTENGO TOURRA, ALBERTO CONTADORRENTZAT 2009ko uztailak 27

26 urte baino ez baditu ere, bere bigarren Tourra irabazi du Contadorrek, hiru asteko probetan gaur egun dagoen ziklistarik onena dela frogatuz. Pintokoa podiumaren gorenera igo da, aldamenean Andy Schleck eta Lance Armstrong zituelarik. Luxenburgokoa datozen ekitaldietarako arerio gogorra izango da Contadorrentzat. Armstrong, ordurako 38 urte izanagatik, aurten baino indartsuago egongo omen da 2010eko ekitaldian.

Aurtengo lasterketa aspergarritzat jo genezake, Piriniotan izandako etapek ez baizuten inongo ikuskizunik eskaini. Sailkapen nagusia Alpeetan erabaki zen, eta Schleck anaiek eman zioten gatza eta piperra lasterketari, harik eta Annecyko erlojupekoan azken zalantzak garbitu ziren arte.

Mendiko sailkapenean Franco Pelizzotti italiarra nagusitu da Egoi Martinezen aurretik, puntutako mailota Hushovdek jaso du eta gazteen artean Andy Schleck izan da onena. Taldeka Astana izan da indartsuena, izan dituen barne arazoez gain, sailkapen nagusian hiru gizon sartu baititu punta-puntan.

Euskalteli dagokionez, laranjen papera bikaina izan dela esan genezake. Izan ere, egun batzutan mendiko mailotaz gozatzeaz gain, etapa gehientsuenetan ihesaldietan aritu dira eta Mikel Astarlozaren etapa garaipenak talde osoaren lana borobildu du.

Kategoria:TXIRRINDULARITZA

Iruzkinak kontsultatu (0)Iruzkina idatzi


ATHLETIC UEFA EUROPA LEAGUEN 2009ko uztailak 25

Errege Kopan txapeldunorde bezala bukatu ostean europan jokatzeko txartela lortu zuen Athletic-ek, estreinatu berria den UEFA Europa League txapelketan, UEFA-ko Kopa izandakoan hain zuzen ere.

Txurigorriak hirugarren errondan hasiko dute partaidetza dagoeneko suitzako ligan bi jardunaldi jokatuak dituen BSC Young Boys taldearen aurka.
Joaquin Caparrosen taldeak hilak 30ean jokatuko du kanporaketaren lehenengo partidua gaueko 21:30etan San Mamesen. Partidu honetarako nahiko argi dago zein izango den zelairatuko den hamaikakoa, izan ere pasaden denboraldiarekin konparatuz Xabi Castillo izango da aldaketa bakarra ezker hegalean.

Itzulerako partidua Bernako Stade de Suisse Wankdorf estadioan jokatuko da jarraitzaile txurigorriak oso arduratuak dituen zelai artifizial batean.

Bien bitartean Athletic-ek Utrerako entrenatzaileak erabakitako 23 jokalariak inskribatu ditu baztertutako gizonak alde batera utziz.
1.Iraizoz
2.Toquero
3.Koikili
4.Ustaritz
5.Amorebieta
6.Etxeita
7.David López
9.Llorente
10.Yeste
11.Gabilondo
13.Armando
14.Susaeta
15.Iraola
16.Orbaiz
17.Etxeberria
18.Gurpegi
19.Zubiaurre
20.Aitor Ocio
21.Ion Vélez
22.Castillo
23.De Cerio
24.Javi Martínez
28.De Marcos

Hitzordua, ostegun gauean, 21:30etan San Mamesen eta Retan!

Kategoria:FUTBOLA

Iruzkinak kontsultatu (0)Iruzkina idatzi


EUSKADIKO KUTXA: BASKONIAREN BABESLE BERRIA 2009ko uztailak 25

23 urteko hitzarmena hautsi dute Baskoniak eta TAUk. Caja Laboral izango da gasteiztarren izen berria.
Baskoniak Taulell enpresarekin zuen akordioa eten egin du. Horrela, ACBko talde batek inoiz izan duen babesletzarik luzeena bukatu da 23 urte eta gero.

Saski Baskoniak ibilbide luzeko babesa zuen helburu, baina Taulell ez zegoen proiektu hori bermatzeko prest. Krisiak eragina izan du ere enpresa honetan.
Babesle berria

Euskadiko Kutxa da gasteiztarren babesle berria eta taldearen izena Caja Laboral (eta ez Caja Laboral Baskonia) izango da aurrezki erakundearekin lortutako akordioaren ondorioz. Hitzarmena hurrengo lau denboraldietarako da.

Kategoria:SASKIBALOI

Iruzkinak kontsultatu (0)Iruzkina idatzi


DOBLASEK BERE KONTRATUA LUZATU DU 2009ko uztailak 25

Lagun Aro GBCeko David Doblas jokalariak taldearekin zuen kontratua luzatu du urte batez negoziazio luzeen ondorioz. Beraz, bere bosgarren denboraldia jokatuko du Kantabriakoak talde gipuzkoarrean.

Aurreko astera arte Las Vegasen izan da Doblas Toronto Raptorsekin NBAko Summer Leaguen parte hartzen, baina azkenean ACBn jarraituko du 27 urteko pibotak.

Zorionak David!!!

Kategoria:SASKIBALOI

Iruzkinak kontsultatu (0)Iruzkina idatzi


¡CHAPEAU ASTARLOZA! 2009ko uztailak 22

Atzo, frantziako tourrean gertaturikoa izugarria izan zen. Euskaltel Euskadik bere helburua lortu du aurtengo tourrean: etapa bat lortzea. Bere txirrindulari ausartena, jardunaldiko ihesaldian sartu zen eta amaierarik onena eman zion etapari. Ihesaldien errege ezizena berenganatzea lortu du mikelek eta bere biziko garaipena lortu du. Etapa amaitzeko 2 kilometro falta zirela, eraso bortitza jo zuen pasaitarrak eta bere iheskideak atzean utzi zituen. Txikitatik zituen ametsak bete ditu baita bere taldearenak eta zale guztienak ere.

Talde honek dituen zaleak, aipatzekoa da, urtero bide frantziarrak laranja kolorearekin gainezkatu egiten dute bere taldeak bakarrik ez uztearren. Ilusioa eta kemena taldearen nortasun agiria izango da beti, non etapa bat irabazteko daukaten guztia eman beharko dute.


Gaur, tourraren etaparik zailena izango da, 170 kilometrokoa. Lehenengo mailako 4 portu gogorrak igo behar dute non Alberto Contadorrek eraso guztiei aurre egin beharko die. Alpeak bukatzeko sorian daude eta edozeinek sustu handia hartu dezake gaurko etapan.
Nork irabaziko du gaurko etapa? Contadorrek, Schleck anaiek, Wigginsek, Sastrek edo euskalteleko edozeinek? Tourreko etaparik gogorrena bizi ezazu RETA-n, zuzeneko apustuekin 13:00-tik aurrera

Kategoria:TXIRRINDULARITZA

Iruzkinak kontsultatu (0)Iruzkina idatzi