RETA: egizu apustu emozioaren alde
Tenis jokalari baten irudia kolore mantxaren gainean
Moto gidari baten irudia irudia kolore mantxaren gainean
Hemen zaude: Hasiera Gaurkotasuna: Kirol gaurkotasuna

Gaurkotasuna

Kirol gaurkotasuna

Hemen kirolari buruzko informazio guztia aurki dezakezu. Aukeratu nahi duzun kategoria eta irakurri kirolaren azkenengo berriak.

NADALEK ATP RANKINGEKO BIGARREN POSTUA BERRESKURATU DU 2009ko irailak 9

Balear Irletako tenislariak, datorren astelehenean, ATP zerrendako bigarren postua berreskuratuko du. Izan ere, US Openeko final-laurdenetan egotea lortu du eta Andy Murray, kontrara, final zortzietan etxera bueltatu da. Nadalek bere bigarren postua ia hiru hilabete jokatu ezinik ibili ondoren galdu zuen, baina behin, bueltatu eta gero, bere jokoa pixkanaka berreskuratuz dabil. US Openeko final-laurdenetan, Fernando Gonzalezen aurka jokatuko du.

ATP zerrendako onenari dagokionez (Roger Federer), beste final baten bila dihardu. Tenis zaleek, final hori Federer eta Nadalen artekoa izatea espero dute; momentuko bi tenislari onenak aurrez aurre ikusteko gogoz baitago tenislaria.

Hurbil zaitez RETAra zure gustuko tenislarien alde apustu egiteko, Nork irabaziko du denboraldiko azken Txapelketa handia?

Kategoria:TENISA

Iruzkinak kontsultatu (0)Iruzkina idatzi


KIROLEN ASTURIASKO PRINTZE SARIA ISINBAYEVARENTZAT 2009ko irailak 9

Berlinen izandako Munduko Txapelketan jasandako porrota eta gero, pozteko arrazoiak ditu orain pertika-jauzilari errusiarrak. Une gogorrak pasa zituen Alemania aldean, hala ere, indarberriturik Zurichen Munduko errekor berria lortu zuen 5,06 metroko markarekin.

Yelena Isinbayevak lortutako 27 Munduko errekorrak arrazoi nahikoa dira Kirolen Asturiasko Printze Saria bereganatzeko. Horrela, Marta Domínguez, Roger Federer edo Pau Gasolek lortutako saria etxeratuko du laster. Iazkoa, Rafa Nadal tenislari mallorcarrak eraman zuen. Gainera, azpimarratu beharra dago, sari hori lortu duen 5 emakumezkoa dela. Bejondeiola!

Kategoria:OROKORRA

Iruzkinak kontsultatu (0)Iruzkina idatzi


SAN MATEO:ESKUPILOTA ENPRESEN LIGAKO PRENSA OHARRA 2009ko irailak 8

PRENTSA OHARRA

2009ko irailaren 9a

Prentsa ohar bidez, Esku Pilotako Enpresen Ligak 2009ko San Mateo Feriaren aurkezpena atzeratu egingo dela adierazi du. Izan ere, hasiera batean, aurkezpen hori irailaren 10ean Logroñon izango zela esan zen. Oraindik ez dute aurkezpenaren data berria jakinarazi, nahiz eta datozen egunetan jakingo den.

Hala ere, zalego osoaren lasaitasunerako, San Mateo Feria ohiko datetan izango dela aurreikusi dezakegu.

Kategoria:PILOTA

Iruzkinak kontsultatu (0)Iruzkina idatzi


AIMAR OLAIZOLAREN NAGUSITASUNAK JARRAITZEN DU 2009ko irailak 7

Peñagarikanorekin batera modako bikoteari San Antolineko torneoan gailendu zitzaion.

70 minutu behar izan zituzten Aimarrek eta Peñak Lekeition txapeldun izendatzeko. Peñagarikanok Beginoren erasoak gelditzen egindako lana nahikoa izan zen bukaerako emaitza ziurtatzeko. Olaizolak, beste behin, ez zuelako hutsik egin atzokoan zazpi tanto eginez Berasaluzek egindako hiruen aurrean.

Joko eta lan erakustaldia eman zuen txapelketako pilotari hoberena bezala izendatua izan zen Aimarrek, eta atzealdean bere bikotea Beginori gailendu zitzaion azkenik. Amaieran 12-22 txapeldunen alde.

Udako bigarren txapela Aimar aseezin batentzat.

Kategoria:PILOTA

Iruzkinak kontsultatu (0)Iruzkina idatzi


NFL LIGA LASTER HASIKO DA 2009ko irailak 7

Datorren irailaren 10ean hasiko da NFL-ko denboraldi berria. Pittsburgh Steelers iaz lortutako Vince Lombardi trofeoa defendatzen saiatuko da. Mike Tomlin entrenatzailea eta Ben Roethlisberger joko-antolatzailearen gidaritzapean, Pennsylvaniakoek Arizona Cardinals taldeari irabazi zioten Superbowlaren azken edizioa. 2003 eta 2004 urteetan New Englandek titulua lortu zuenetik, ez da egon txapelketa bi aldiz jarraian irabazi duen talderik.

New England da aurtengo denboraldia markatuko duten 3 birragerpenen protagonistetako bat. Izan ere, beraien QB titularra berreskuratuko ahal izango dute. Tom Brady iazko lehen partidan urte osorako lesionatu zen. Lesio honek zapore garratza utzi zien Patriots-en jarraitzaileei. Izan ere, 2007 denboraldian Brady, zenbait errekor hausteaz gain, porrotik gabeko denboraldia burutzear izan zen. Bigarren itzulera Brett Favrerena da. Bigarren aldiz erretiratuko zela aditzera eman ondoren, badirudi oraindik jokatzeko prest dagoela, eta urte baterako kontratua sinatu du Minnesotarekin. Azken itzulera famatua Michael Vick Atlantako jokalari ohiarena da. 18 hilabete eman ditu espetxean, bere etxean zakurren arteko borrokak antolatzeagatik. Philadelphiarekin sinatu du, berez oso indartsua den talde bat are eta gehiago indartuz. McNabb handiarekin batera nola moldatuko den ikusteke dago, baina bien dohaiak nolabait bateratuko dituztela ziur daude Philadelphiako taldean.

RETArekin denboraldi berri hau jarraitzeko moduan egongo zarete.

Kategoria:OROKORRA

Iruzkinak kontsultatu (0)Iruzkina idatzi